JIVAN BHAR KI BOJH

Yun Khel Khel Me
Bit Jata Hai Bachpan
Ki
Vakta ka Pata Bhi Nahi Chalta.
Vakta
To Gujarta Hi chala Jata Hai.
Aur
Ham Kitabon Ki Bojh tale
Dab Se Jate Hai.

Vakta Aur Aage
Chalta chala Jata Hai,
Madmast .
Beparvah ,
Masti Bhari,
Aati Hai javani
Aur
Iske Sath Hi
Kandhe Par,
Aa Jati Hai
Parivar Ka Bojh
Aur Ham
Parivar Ke Bojh Tale Dab Se Jate Hai.

Vakta Ke Sath
Badhti Chali Jati Hai
Jawabdehiyan
Pareshaniyan !!
Inke bavjud
Ham kadam
Badhate Chale Jate Hai,
Aise Anginat
Bojh Uthaye 
Uthaye Apne Kandho Par .. !!

Aur Jab
Badhte Kadam
Thakne si Lagte Hai,
Kandhe
Bojh
Tale Dabne Si Lagte Hai,
Tab
Ham
Apni Suni-Si Nigah Uthaye
Shunya Aakash Me,
TakTaki-si lagaye
Man Hi Man
Budbudate Hai
- " Hamse
Muhabbat
Karne Valon
Ke Sang Rahne Ki
Mauka De de Aiye Khuda,
Tere Sang to Ham
Marne Ke Bad Bhi Rah
Lenge." 

Ek Din
Jab Maine,
Nadi Kinare
Tairate Lash Ko
Dekha .. !!
Tab
Samajh Me Aaya,
YE BOJH
Sharir Ka Nahi,
Jimmedariyo Ka Nahi,
Jawabdehiyon Ka Nahi !!!!
Yah
Bojh To Saanso Ka Tha !!

Sabhaar : Mukund Nandan
Mobile : 09334534189

Anya Lekh :
@ http://mukundnandan.mywapblog.com

@ http://mukundnandan.wordpress.com

AASTEEN KA SAANP

Maine
Bhagvan Se Var Manga Ki,
Dushmano Se Mera Pichha Chhudva Do II
Ki
Achanak,
Dost Kam Ho Gaye !!

Pahchano !!
Aasteen Me Chhupe
Saanpo Ko,
Unme Se Kuchh
Apne Bhi Honge
Kuchh Paraye Bhi.

Unme Se Kuchh
Tumhare Divane
Bhi Honge .. To
Kuchh Begane Bhi.

Pahchano
Un Aasteen Ke
Saanpo Ko ....!
Kuchh Tumhare
Daayen Bhi Honge
To Kuchh Baanye Bhi,
Kuchh Aage Bhi Honge
To Kuchh Pichhe Bhi !!

Gaur Farmao,
Tanik Thahar Jao !!
Bhi socho To
Kanhi Vo
Aasteen Ka Saanp,
Tumhare Andar Hi
Chhupa Baitha To
Nahi !!

Jiske karan
Tumhare Apne
Begane Ho gaye,
Tumhare Dost
Dushman Ban Baithe !!

Sabhaar :Mukund Nandan
Mobile : 09334534189

Anya Lekh :
@ http://mukundnandan.mywapblog.com

@ http://mukundnandan.wordpress.com

BHAGVAN AUR INSAAN

Kaha Jata Hai Ki,

Patthar
Ek Bar Mandir Jata Hai
To
Bhagvan Ban Jata Hai.

Insaan
Har Roj Mandir Jata Hai
Par
Vah Patthat Hi Rahta Hai.

Gaur Talab Ho Ki, Patthar Ko Mandir Tak Lekar Jata Kaun Hai ?
Bhagvan Ya Insan
Uttar Hai, Patthar Ko Mandir Tak Le jata Hai Insaan
Aur
Bhagvan Ki Murti Banata Hai Insaan
Aur shraddha Se Khud
Sir Jhukata hai Insaan.

Jo Ek Patthar Ke Aage Bhi
Sir Jhukata Namrata Aur shraddha se
Vo Kaise Na Ho Mahan ?
Kya Uchit hai
Aise Insaan Ko
Aise Mahan Ko
Patthar Kahana ?

Yah
Insaan Hi kahta Hai
Hame Bhagvan Ne Banaya
Par
Yah Khud
Ek Patthar Ko Bhagvan
Bana Deta Hai.

Fir
Kisne
Kisko Banaya ?
Bhagvan Ne Insaan Ko
Ya
Insaan Ne Bhagvan Ko ?

Sabhhar : Mukund Nandan
Mobile ; 09334534189
Anya Lekh :
@ http://mukundnandan.mywapblog.com

@ http://mukundnandan.wordpress.com

@ http://facebook.com/689286421138321